A Plataforma pola Defensa do Monte no marco do Laboratorio Ecosocial do Barbanza organiza unha xornada informativa o domingo 30 de xuño na Comunidade de Montes Veciñais en Man Común de Baroña, Porto do Son.

Esta xornada cun carácter festivo e aberto á cidadanía dá o disparo de saída ao centro de transformación do Barbanza. Este novo espazo permitirá a valorización dos produtos agrícolas, gandeiros e forestais da rexión.

Esta actividade está financiada con fondos europeos, grazas ao apoio da Fundación Biodiversidad do Ministerio para la Transición Ecológica y el Reto Demográfico (MITECO).

Localización

Nas inmediacións da Casa Forestal da CMVMC de Baroña
Vilar, 35, 15979 Porto do Son, A Coruña

→ O acceso á Casa Forestal deberase facer a pé
→ Os coches deberanse estacionar na contorna do Campo de Fútbol

Programa de actividades

09:30 a 12:30 h  Xornada deseucaliptizadora no monte de Baroña
Coordinada pola Fundación Montescola
Inscrición necesaria ata o venres 27 inclusive en info@montescola.org

11:00 a 19:00 h Mercado de produtos locais
Coa participación de:

• • • Sachos a Rúa (Horta, conservas e artesanía)
    • Mercado dos Tilos (Horta, mel e doces)
    • Mercado Darredor (Horta, conservas e zumes)
    • TresOficios (Transformación de madeira e ebanistaría)
    • CMVMC de Baroña (Chourizos de poldro e mel)

12:30 a 13:00 h Presentación do proxecto
Con intervencións de:

• • • Rafael Saco, presidente da Plataforma pola Defensa do Monte
    • Ovidio Queiruga, presidente da CMVMC de Baroña
    • Manuel Rodríguez, director da Fundación RIA

13:00 a 13:30 h Exposición do uso dun serradoiro móbil
Coordinada pola Comunidade de montes veciñais de Baroña

13:30 a 15:00 h Degustacións e mostraxe de cociña e degustación co chef José Manuel Mallón, de pratos preparados con carne de poldro galego 100% raza autóctona.   Coa colaboración de PURAGA

17:00 a 18:00 h Degustación de produtos vexetais provenientes do monte
e charla sobre obradoiros colectivos de transformación de alimentos
Coa colaboración de Asociación Daquí darredor

18:00 a 19:00h  Foliada dinamizada por grupo pandeireteiras locais Alixeiras, Bailadela, Sete linguas, Chorimas e Sonelas, xunto á banda tradicional de música Suevia do concello de Porto do Son.