30 de maio 2025 – O Concello de Rianxo abre o prazo de inscrición para unha nova acción formativa gratuíta sobre implantación de terreos forestais, dirixida a todas aquelas persoas interesadas na xestión sostible do monte. A actividade enmárcase no programa de accións formativas vinculadas á xestión e aproveitamento do monte, desenvolvido no marco do Laboratorio Ecosocial do Barbanza.

A formación terá unha duración total de 60 horas teórico-prácticas, nas que se abordarán contidos clave como:

• Deseño e execución de plantacións forestais
• Prevención de incendios forestais
• Certificación forestal e boas prácticas de xestión

Esta acción forma parte do compromiso do Laboratorio por reforzar as capacidades locais e acompañar procesos de transición cara a modelos de xestión do monte máis sostibles, xerando coñecemento práctico e aplicable ao territorio.

As persoas interesadas poden formalizar a súa inscrición escribindo a medioambiente@concelloderianxo.gal ou chamando ao 981 86 08 08 (atención en horario de mañá).