Aprazanse as "Xornadas por un monte vivo"
As “Xornadas por un Monte Vivo” convocadas en Taragoña e Leiro (Rianxo) este sábado 5 e domingo 6 de outubro foron aprazadas polas condicións meteorolóxicas.
3 de outubro 2024 — Debido á chuvia prevista para esta fin de semana en Rianxo, o Laboratorio Ecosocial do Barbanza decidiu adiar a celebración das Xornadas por un Monte Vivo ata novo aviso.
As novidades sobre a celebración das Xornadas publicaranse na páxina web do Laboratorio Ecosocial do Barbanza (barbanzaecosocial.org), así como nos canais en redes sociais do proxecto e das súas entidades socias.
Para máis información, poden escribir a info@barbanzaecosocial.org.
O Laboratorio Ecosocial do Barbanza conta co apoio da Fundación Biodiversidad do Ministerio para la Transición Ecológica y el Reto Demográfico (MITECO) no marco do Plan de Recuperación, Transformación e Resiliencia (PRTR), financiado pola Unión Europea – NextGenerationEU.
Coordinado pola Fundación RIA, o Laboratorio Ecosocial do Barbanza é un proxecto dedicado a promover a transición cara á sustentabilidade ambiental e a fortalecer a resiliencia na xestión territorial dos montes do Barbanza.