Falamos coa Cope da próxima xornada de deseucaliptización do Laboratorio

Joám Evans, director de Montescola, conversou na sección local da emisora sobre a razón de ser do proxecto e os detalles da xornada de voluntariado que terá lugar este domingo nos montes de Baroña.

26 de abril 2024 — Con motivo da segunda convocatoria de xornadas de voluntariado por parte do Laboratorio Ecosocial do Barbanza, este martes tivemos a oportunidade de compartir as ambicións do proxecto coa emisora local da Cope e dar a coñecer a acción de voluntariado, que lidera a Fundación Montescola.

Foi o director desta entidade, Joám Evans, quen conversou con Íñigo Landa para afondar nestas cuestións. Preguntado polo enfoque na xestión dos montes, Joám resalta a importancia de traballar pola súa multifuncionalidade: 

“O monte non se usa só para plantar; o monte ofrece servizos ecosistemicos, é onde temos as traídas de auga, onde moita xente vai pasear, onde se vai por leña, onde temos gando, abellas, patrimonio cultural; tamén son infraestruturas verdes, como cortalumes á hora de protexer ou poñer en perigo as aldeas… Entón, dependendo da xestión que se faga no monte, a sociedade terá uns beneficios ou uns impactos negativos”.

O Laboratorio Ecosocial do Barbanza conta ao apoio da Fundación Biodiversidad del Ministerio para la Transición Ecológica y el Reto Demográfico (MITECO) no marco do Plan de Recuperación, Transformación e Resiliencia (PRTR), financiado pola Unión Europea – NextGenerationEU. 

Podes escoitar a entrevista completa aquí:

Noticias relacionadas

08/04/24 | O Laboratorio pon en marcha unha serie de xornadas de voluntariado no Barbanza co el obxectivo de implicar á cidadanía na recuperación da biodiversidade.
10/03/24 | Xa está en marcha a plataforma de contratación, un portal de emprego verde para fortalecer a economía local do Barbanza.
26/04/24 | O director de Montescola conversou sobre a razón de ser do Laboratorio e os detalles da próxima xornada de voluntariado no Barbanza.
27/02/24 | As seis entidades socias do Laboratorio Ecosocial del Barbanza reúnense en Rianxo para dar inicio a unha nova fase do proxecto ao abeiro da Fundación Biodiversidad.
09/02/24 | O Laboratorio recibe 2 millóns de euros para a xestión sustentable do territorio, tras ser seleccionado na convocatoria de bioeconomía forestal de Fundación Biodiversidad.